Charvun alv empè da charvun nair

Utschels superbis
Utschels superbis

Da buna luna sa mettan ils lavurants en posa per il fotograf, stattan in mument airis. Il caracter da piunier da lur ovra als è conscient. Els electrifitgeschan il traject dal Gottard. (enturn 1920, VFF istoric)

L'electrificaziun da la rait da viafier è in chapitel spezial da l'istorgia tecnica da la Svizra: Ella dat perditga da l'independenza e da la capacitad naziunala. Ussa produceschan ins l'energia cun atgna forza idraulica empè da cun charvun da la Prussia. Ina prestaziun da piunier è stada la construcziun da la lingia dal Lötschberg da Spiez a Brig, ch'è vegnida messa en funcziun da la BLS l'onn 1913. Pussaivla è ella daventada tras l'accord tranter las interpresas bernaisas da viafier e d'ovras electricas e l'industria svizra d'electricitad e da construcziun da locomotivas. La lingia dal Gottard vegn electrifitgada immediatamain suenter l'emprima guerra mundiala, l'onn 1924 è electrifitgà l'entir traject da Basilea fin Chiasso. Perquai che las locomotivas electricas èn bainquant pli grevas che las locomotivas a vapur, èn necessarias midadas architectonicas massivas. Uschia vegnan remplazzadas bleras punts a giatter da fier cun punts a travs gulivas da betun armà.

« L'emprim sa mussan pitschnas variaziuns tar la tensiun dal current, sumegliantamain a las relaziuns da flussiun d'auas. »

E. Trechsel, Disturbi dals implants electrics da current a bassa tensiun pervia dal manaschi electric da la Viafier dal Lötschberg, senza data

Der elektrische Betrieb auf der Gotthardbahn

1922, VFF istoric / ABB

Der elektrische Betrieb auf der Gotthardbahn

Il manaschi electric sin la Viafier dal Gottard , 1922 (VFF istoric / ABB)

Der elektrische Betrieb auf der Gotthardbahn

1922, VFF istoric / ABB

Der elektrische Betrieb auf der Gotthardbahn

Il manaschi electric sin la Viafier dal Gottard, 1922 (VFF istoric / ABB)

808 meters

importa l'autezza da crudada da l'aua per l'ovra electrica Ritom.

75 millimeters quadrat

importa la surfatscha da l'emprima lingia da contact d'arom ch'è vegnida montada en il Gottard.

3640 forzas-chaval

ha il «crocodil», la locomotiva legendara ch'è vegnida construida per il Gottard, e quai tar ina sveltezza da 45 kilometers per ura.

Render attent a questa pagina