La viafier è fatga d’atschal

Punt inflexibla
Punt inflexibla

L’uschenumnada «Brückschiene» vegn utilisada da la Viafier dal Sidost enturn la mesadad dal 19avel tschientaner. Ella na sa cumprova betg, damai ch’ella na po strusch vegnir sturschida ed è uschia inadattada per la construcziun da stortas. (senza data, VFF istoric)

Senza rodaglia nagina viafier. Schebain che la rodaglia è cleramain a la sumbriva dals trens, existan blers tips da construcziun - cun gronda influenza principalmain da l'Engalterra. La rodaglia en furma da bulieu ch'è usitada ozendi sa numna rodaglia da Vignoles. Ella è fatga d'atschal d'auta qualitad e vegn fabritgada cun laminar fier culà. En il 19avel tschientaner vegniva er fatg diever da la rodaglia da punt ubain da la rodaglia a chau dubel, tuttas buglidas or da fier. La rodaglia a chau dubel è anc vegnida utilisada per la construcziun da la lingia dal Lötschberg al cumenzament dal 20avel tschientaner. La rodaglia da punt n'è betg sa cumprovada, damai ch'ella na po strusch vegnir sturschida ed è uschia inadattada per la construcziun da stortas. Las emprimas rodaglias da viafier utilisadas en Svizra èn vegnidas importadas da l'Engalterra per la «Spanisch-Brötli-Bahn», inaugurada l'onn 1847. Quellas eran quatter meters lungas. Ozendi vegnan fabritgads tocs da var duatschient meters.

« Ina rodaglia da segirezza che fiss nizzaivla per l'arrivada è privlusa per la partenza, ed ina rodaglia da segirezza senza grond privel per la partenza n'è probablamain betg nizzaivla per l'arrivada. »

Cummisiun da tecnicists da la Federaziun da las Viafiers svizras , Rapport davart la 67. sesida da la secziun, 24 d'avrigl 1889
4 centimeters quadrat

importa la surfatscha da contact maximala tranter la roda e la rodaglia. Sin ellas paisan maximalmain 11 tonnas.

230 kilometers

rodaglias èn installadas en il tunnel da basa dal Gottard.

50 onns

duai il vial en il tunnel da basa tegnair sin il pli pauc.

Render attent a questa pagina