L’emprim tunnel da basa

Piuniers basilais
Piuniers basilais

Davostiers a sanestra l’Oberer Hauenstein, davantvart Liestal, la chapitala dal chantun Basilea-Champagna. Il tunnel da basa dal Hauenstein, ch’è vegnì avert l’onn 1916, collia Basilea cun il chantun Soloturn. (1889, Archiv dal stadi da Basilea-Champagna)

Adina vegni discurrì dal Gottard, darar dal Hauenstein, schebain che la NVTA n'existiss betg senza quel. Ultra da quai è la viafier dal Hauenstein (Olten-Basilea) cun ses tunnel da 2500 meters, ch'è vegnì avert l'onn 1858, bain la colliaziun la pli impurtanta en l'istorgia da la viafier svizra. Sco ina da las emprimas viafiers da muntogna insumma collia ella la Svizra Bassa cun la rait da viafier europeica e maina gia baud en direcziun dal Gottard. Cun la colliaziun dal Hauenstein è l'influenza da la Viafier centrala basilaisa sin ils tunnels da las Alps almain uschè gronda sco quella da la Viafier dal Nordost turitgaisa. Tras l'inauguraziun da la viafier dal Gottard l'onn 1882 daventa la viafier dal Hauenstein ina part da la lingia da transit surregiunala. Al Hauenstein construeschan las VFF l'emprim tunnel da basa, e quai radund tschient onns avant las viafiers planivas da muntogna. Inaugurà vegn quest tunnel da radund 8 kilometers l'onn 1916.

« Schebain che la distanza pli pitschna tranter ils binaris permettess anc da cruschar il material da manaschi en il tunnel, pari bain – resguardond il fatg che las viagiaturas ed ils viagiaturs sa pusan per malprecauziun or dal vagun ubain stendan ora in bratsch e pon uschia sa disgraziar – necessari d'evitar ina cruschada dals trens. »

Departament federal da la viafier a dal commerzi, Brev, dals 12 da november 1875
60 francs

importa en media la paja mensila dals lavurers da tunnels ils onns 1850.

60 meters

importa il progress da construcziun mensil en l'emprim tunnel da Hauenstein da «buna aria», 47 meters da «main buna aria».

63 lavurers da viafier

perdan lur vita tar la catastrofa da tunnel dals 28 da matg 1857; 11 dad els èn persunas da salvament.

Render attent a questa pagina