Planisaziun

La planisaziun da la NVTA n'è betg main impurtanta che sia realisaziun. L'emprim project per in tunnel da basa dal Gottard datescha da l'onn 1961. Dapi lura han ins planisà trassés, variantas da tunnels, access, construcziuns novas e capacitads per rauba e persunas ed adina puspè la finanziaziun. Ils plans dals inschigners ston resguardar numerusas intschertezzas: dal caracter dal grip - legendara è la foppa da Piora al Gottard - fin a resistenzas localas cunter las construcziuns novas. Quellas han pudì vegnir superadas cun cumpromiss.

1947

L'express Europa-Africa

La visiun d'in inschigner: Cun il tren da Basilea a Chiasso en mo duas uras – temp avunda per far la duscha, tagliar ils chavels, telefonar.

Guardar l'eveniment
30 schaner 1962

Tunnel da basa dal Gottard

La Confederaziun s'imaginescha in «tunnel da basa dal Gottard». La firma Elektro-Watt al duai projectar.

Guardar l'eveniment
1963

Via vs. viafier

Suenter la segunda guerra mundiala vegnan fatgs ils emprims plans per in tunnel da via tras il Gottard. L'onn 1963 pretendan las VFF in tunnel da basa, ma il Cussegl federal favurisescha il tunnel da via.

Guardar l'eveniment
19 zercladur 1970

Il plan dal tunnel

Cur ch'ils spezialists s'expriman a favur da la construcziun d'in tunnel da basa dal Gottard, renvieschan els a la posiziun prominenta da la Svizra sco pajais da transit da l'Europa.

Guardar l'eveniment
1970

Lantschada dal project franà

Il plan per l'emprim tunnel da basa dal Gottard fa naufragi pervia da la crisa economica en la mesadad dals onns 1970.

Guardar l'eveniment
1971

Prognosas dal traffic

Las prognosas sa mussan posteriuramain savens sco faussas, ma l'onn 1990 tutga il Cussegl federal la noda.

Guardar l'eveniment
19 december 1979

Gottard u Spleia?

In tunnel tras il Gottard avess in meglier resultat dal puntg da vista da l'economia da manaschi, il Spleia purtass dentant dapli a l'economia regiunala, manegian las expertas ed ils experts.

Guardar l'eveniment
1985

In cudesch muventa la viafier

Darar influenzescha ina lavur da qualificaziun academica la politica. Il cudesch da Hans-Jörg Bertschi dat nov schlantsch a la NVTA.

Guardar l'eveniment
11 fanadur 1988

Tschintg variantas

Lötschberg-Simplon, Gottard, ipsilon u – dubel – Spleia? Il Cussegl federal vul cuntinuar cun las variantas Gottard e Lötschberg-Simplon.

Guardar l'eveniment
1988

«Viafier cun via»

In rapport cun consequenzas: Il biro Infras recumonda da proceder en moda coordinada sin plaun internaziunal e da spustar il traffic sin via sin la viafier.

Guardar l'eveniment
1988

Empustar, construir, gestir

Cun construir la NVTA fa la Confederaziun ina separaziun tranter infrastructura e gestiun. Quest nov manaschament da projects sa cumprova.

Guardar l'eveniment
1990

Window of opportunity

Tschertas schanzas datti mo ina giada. Tup mo, sche nagin na las vesa. Ma Ogi è pront.

Guardar l'eveniment
1990

Il trassé sco zona problematica

La planisaziun dal traffic da viafier è cumplexa. Trens che curseschan sin il medem binari pon numnadamain surpassar mo en paucs lieus. Las unitads da planisaziun èn ils «trassés».

Guardar l'eveniment
31 december 1998

Las VFF sco societad anonima

La refurma da la viafier 1 ha l'intent da liberalisar pass per pass il traffic da viafier.

Guardar l'eveniment
2010

Dal dissegn al model tridimensiunal

Gronds projects da construcziun ston vegnir preparads minuziusamain. Plans da tutta spezia furman lur basa.

Guardar l'eveniment
15 matg 2012

Renunzia a la Porta Alpina

La visiun è populara. La Porta Alpina duai colliar Sedrun e la Surselva sur in ascensur cun il tunnel da basa dal Gottard.

Guardar l'eveniment
2017

Segns e cifras

Tut ils vaguns e tut las locomotivas èn plain segns e cifras misteriusas. Senza quests segns spezials na funcziunass il manaschi da viafier betg.

Guardar l'eveniment