Gottard u Spleia?

19 december 1979
Planisaziun cun elan
Planisaziun cun elan

Il tunnel da viafier dal Spleia n'è mai vegnì construì. El avess collià Tusaun cun Clavenna. Enturn l'onn 1965 skizzescha in comité da studi en moda persvadenta in dals dus portals dal tunnel. (1965, Archiv federal svizzer)

La gruppa nominada dal Cussegl federal, ch'examinescha il transit da viafier tras il Gottard e tras il Spleia, preschenta ses rapport la fin da l'onn 1979. Ella vegn a la conclusiun ch'in nov tunnel tras il Gottard haja in meglier resultat dal puntg da vista da l'economia da manaschi, ma ch'il Spleia purtass dentant dapli a l'economia regiunala. En vista ad ina nova «lingia da viafier tras las Alps» recumonda la gruppa d'integrar per la decisiun definitiva ils pajais vischins e la Communitad europeica.

« Dal puntg da vista da l'economia publica manchenta la Svizra, cun la varianta dal Spleia, ils avantatgs da la staziun da cunfin al sid. »

Rapport da la gruppa da contact «lingia da transit da la viafier Gottard/Spleia», Rapport p. 61, 1979
2'805 milliuns francs

custa - tenor las stimaziuns da la gruppa «lingia da transit da la viafier Gottard/Spleia» la lingia da basa dal Gottard.

4'880 milliuns francs

custa - tenor las stimaziuns da la gruppa «lingia da transit da la viafier Gottard/Spleia» la varianta pli favuraivla da la lingia da basa dal Spleia.

13:10 chantuns

En la procedura da consultaziun dals onns 1980/81 s'expriman 13 chantuns a favur dal Gottard e 10 chantuns a favur dal Spleia. 3 chantuns èn indecis.

Render attent a questa pagina