Il plan dal tunnel

19 zercladur 1970
Bleras vias mainan a Milaun
Bleras vias mainan a Milaun

Ils onns 1960 examineschan experts pliras variantas da tunnels (en cotschen) tras las Alps. Meiringen gioga ina rolla prominenta en quests plans. (1971, Archiv federal svizzer)

La cumissiun «Tunnels da viafier tras las Alps» pleda l'onn 1970 - suenter avair examinà 6 variantas - a favur da la construcziun d'in tunnel da basa dal Gottard. Ella renviescha a la posiziun prominenta da la Svizra sco pajais europeic da transit e recumonda da cumenzar svelt cun la construcziun. Las capacitads stuessan vegnir engrondidas urgentamain. Quai valia cunzunt per il traffic internaziunal da transit. E: la lingia da viafier tras las Alps duaja vegnir finanziada en il «rom d'ina politica economica naziunala».

« La dumonda fundamentala è, sche la Svizra po defender sia posiziun actuala en in'Europa che s'unescha. »

Cumissiun «Tunnels da viafier tras las Alps» (CTA), Rapport final, 22-06-1970
6 variantas

vegnan examinadas da la gruppa da studi: extensiun da la lingia dal Lötschberg cun binaris dubels, construcziun d'in tunnel da basa dal Lötschberg, construcziun d'ina lingia da viafier Gottard-vest, construcziun d'in tunnel da basa dal Gottard, construcziun d'ina lingia da viafier Tödi-Greina, construcziun d'ina lingia da viafier dal Spleia.

1.383 milliuns autos da persunas

èn immatriculads en Svizra, cura che la cumissiun consegna ses rapport l'onn 1970; l'onn 1962 cura che la cumissiun è vegnida nominada eri 667'364 autos da persunas.

98.3 pertschien

dal transport da rauba ha lieu cun la viafier (1960: 99,7%; 2013: 74,1%).

Render attent a questa pagina