Gea al tunnel da basa dal Ceneri

16 december 2003
Debattas vivas
Debattas vivas

Il cusseglier federal Moritz Leuenberger s'engascha cumplainamain per la finanziaziun da la NVTA. Qua discutescha el cun il cusseglier naziunal da la PPS ed interprendider da transport, Ulrich Giezendanner. (2004, Keystone)

Suenter il Cussegl naziunal accepta il Cussegl dals chantuns ils 17 da december 2003 il credit supplementar e la deliberaziun parziala dals meds finanzials bloccads per la segunda fasa da las lavurs da construcziun. Quai permetta da realisar il tunnel da basa dal Ceneri. En la discussiun animada designescha il Cusseglier federal Moritz Leuenberger quest tunnel sco element indispensabel da l'axa dal Gottard: «Mo uschia daventa la viafier ina viafier planiva tranter Basilea e Chiasso.»

« Soluziun prospectiva en vista ad ina cuntinuaziun al sid ed al nord. »

Uffizi federal da traffic, Preschentaziun da Powerpoint
2.6 milliardas francs

vegn il tunnel da basa dal Ceneri a custar tenor la prognosa da la Delegaziun da surveglianza da la NVTA da l'onn 2014.

4'000 tonnas

Il tunnel da basa dal Ceneri è l'ultim element grond da la viafier planiva en il traffic nord-sid. Trens da vitgira cun chargias d'annexa da 4'000 tonnas vegnan a pudair passar senza rinforzament da tracziun.

22 minutas

Il temp da viadi da Locarno a Lugano vegn scursanì da 55 a 22 minutas.

Render attent a questa pagina