Ils giavischs da l'Uri

17 avrigl 1996
Colonnas al Gottard
Colonnas al Gottard

Dapi tschientaners è Uri in chantun da transit. Tunnels d'autos e da viafier mitigeschan la situaziun da traffic – qua al pass dal Gottard l'onn 1962 –, smanatschan dentant er d'isolar la populaziun uranaisa. (1962, SPF Turitg)

Cur ch'il Cussegl federal Moritz Leuenberger visita ils 18 d'avrigl 1996 la regenza dal chantun Uri per discutar davart la NVTA, èn avertas bleras dumondas: la planisaziun dal territori, la protecziun da l'ambient, il termin da la construcziun dals trajects d'access. Per la populaziun da l'Uri èsi impurtant che quels vegnian averts a medem temp sco l'axa dal Gottard. Els teman che lur giavischs vegnian uschiglio a la curta. Il chantun Uri realisescha sia posiziun en tractativas stentusas e plain conflicts en quel senn, ch'il Cussegl federal accepta da spustar il traject d'access al tunnel da viafier en il munt. Malcuntent è l'Uri però ch'i na dat betg anc in termin temporal per la construcziun.

« Dapli grevezzas per l'ambient, ina perdita quasi totala da noss terren ed a medem temp in distatgament sensibel da l'access a la viafier per pliras regiunas spetgan nus. Persuenter sa megliereschan las pussaivladads da spustament en il traffic da transit e datti intgins impuls per l'economia publica. »

Ambros Gisler, directur da l'economia publica dal chantun Uri, Formulaziun dals giavischs da l'Uri a chaschun da la visita dal cusseglier federal Moritz Leuenberger, 16-04-1996

Blickpunkt: Nein zur Gotthardbasislinie im Kanton UR

1981, ©1970-2005 Radio e televisiun svizra, licenzià tras Telepool ScRL Turitg

Blickpunkt: Nein zur Gotthardbasislinie im Kanton UR

Blickpunkt: Na a la lingia da basa tras il Gottard en il chantun Uri, 1981 (©1970-2005 Radio e televisiun svizra, licenzià tras Telepool ScRL Turitg)

DRS aktuell: Uri und NEAT

1985, ©1970-2005 Radio e televisiun svizra, licenzià tras Telepool ScRL Turitg

DRS aktuell: Uri und NEAT

DRS actual: Uri e la NVTA, 1985 (©1970-2005 Radio e televisiun svizra, licenzià tras Telepool ScRL Turitg)

39 variantas

Tut en tut 39 variantas èn vegnidas examinadas, co che la lingia da la NVTA sto vegnir manada en il territori da la Planira da la Reuss.

900 protestas

cunter il project da la NVTA entran l'onn 2001 en il chantun Uri.

14 kilometers

lung è il tunnel planisà en l'Uri tranter il tunnel da l'Axen ed il tunnel da basa dal Gottard.

Render attent a questa pagina