La Svizra orientala sto desister

29 november 1989
Las punts tar Bruggen
Las punts tar Bruggen

La Svizra orientala sto desister da sia viafier da transit tras las Alps desiderada dapi ditg. Ella è però ina da las cuntradas svizras che ha survegnì gia baud in access da viafier. A Bruggen dasper Son Gagl traversan il cumenzament dal 20avel tschientaner gist pliras punts da viafier la Sitter. (senza data, Kartenplanet.ch)

L'integraziun dals chantuns e da las regiuns da la Svizra procura l'onn 1991 per il consentiment dal parlament a la NVTA e per il gea da la votaziun dal pievel. Per la Svizra orientala signifitga quai ch'ella sto laschar crudar sia pretensiun da passa 100 onns d'obtegnair ina viafier da transit tras las Alps orientalas. Sco cumpensaziun per questa lingia empermetta il project da la NVTA l'integraziun da la Svizra orientala sur ina varianta da rait, pia l'engrondiment da las lingias da viafier che mainan al Gottard sur Turitg e sur Rapperswil. Gia l'onn 1989 è la gruppa da lavur che s'occupa da quai sa radunada per l'emprima giada. Ils tunnels dal Zimmerberg e dal Hirzel duain garantir la colliaziun da la Svizra orientala. Ma pervia da las redimensiuns da la NVTA, chaschunadas da las finanzas, vegnan ils projects dentant suspendids per in temp illimità.

« Las regenzas dals chantuns da la Svizra orientala na pon betg sa declerar perencletgas cun quest giudicament. »

Regenzas dals chantuns GL, SH, AR, AI, SG, GR, TG, Brev al Cussegl federal, 28.02.1985

Fachtagung Eisenbahn-Alpentransversale ; DRS-aktuell

1986, Archiv federal svizzer / Schweizer Radio und Fernsehen

Fachtagung Eisenbahn-Alpentransversale ; DRS-aktuell

Dieta d'expertas e d'experts tar la lingia da viafier tras las Alps; DRS-aktuell, 1986 (Archiv federal svizzer / Schweizer Radio und Fernsehen)

Ostalpenbahn-Debatte im Grossen Rat GR ; Antenne

1971, Archiv federal svizzer / Schweizer Radio und Fernsehen

Ostalpenbahn-Debatte im Grossen Rat GR ; Antenne

Debatta en il cussegl grond dal Grischun davart la viafier orientala da las Alps; Antenne, 1971 (Archiv federal svizzer / Schweizer Radio und Fernsehen)

Render attent a questa pagina