Rotterdam–Genua

En abundanza
En abundanza

Il port da Rotterdam è in dals ports da mar ils pli gronds dal mund. Mintga onn vegnan embartgadas qua radund 450 millius tonnas martganzia ch’èn emballadas en numerus containers. (27.04.2016, Frans Berkelaar)

Per persvader il parlament l'onn 1990 ed il pievel l'onn 1992 dal project da la NVTA, argumentescha il Cussegl federal repetidamain cun ils gronds ports da mar da Rotterdam e da Genua: tranter els sa stendia in corridor da viafier da radund 1500 kilometers per il transport da martganzia, dal qual la NVTA saja la part centrala. La Svizra vegnia a profitar dal fatg che la meglra via a la mar saja accessibla per il commerzi d'ultramar. La NVTA cumpiglia uschia er ina retscha da renovaziuns en ils Pajais Bass, en la Germania ed en l'Italia. Oravant tut al sid da Milaun avanzan las lavurs per il corridor da viafier da martganzia dentant mo plaunsieu. La renovaziun da quest corridor è vegnì decidì dals trais pajais participants e da la Svizra l'onn 1996.

« Il svilup da corridors per il transport da rauba cun la viafer, cun l'intenziun da meglierar la cumpetitivitad dal transport da rauba cun la viafier, occupa ina plazza pli e pli impurtanta en l'agenda da l'UE. »

Rotterdam Declaration,Introduction p. 1, nunenconuschent
6.2 mia. euros

custa la construcziun da las vias d'access a la NVTA tranter Karlsruhe e Basilea; 5 mia. euros ha custà la renovaziun da la lingia da viafier tranter Rotterdam ed il cunfin cun la Germania.

41 miu. tonnas martganzia

vegnan transportadas mintga onn tras las Alps Svizras, 71 pertschient da quellas cun la viafier.

48 miu. tonnas martganzia

vegnan transportadas mintga onn sur las Alps austriacas.

Render attent a questa pagina