Custs e niz

10 december 2016
Per Vossa martganzia, la viafier
Per Vossa martganzia, la viafier

Dal transit da las Alps profita tut l'Europa. La NVTA intensivescha il traffic da persunas e da rauba che vegn spustà da la via sin la viafier. Post da transtgargiada da la HUPAC a Busto-Arsizio-Gallarate, Italia. (2011, Uffizi federal da traffic, Cudeschet «Alptransit: eine Ambition wird Realität»)

La NVTA è da gronda impurtanza economica: Circa 24 milliardas francs vegn il project a duvrar per la planisaziun e per la construcziun. Quai vegn ad avair grondas consequenzas per la tecnica da construcziun, da segirezza e da vehichels. D'agiuntar è il manaschi da viafier; ils 11 da december 2016 circulescha il traffic per l'emprima giada tras il tunnel da basa dal Gottard. Ils retgavs da la NVTA na vegnan betg a cuvrir ils custs da construcziun e da gestiun. Ma els stgaffeschan la basa per far investiziuns economicas en il turissem, en il mastergn ed en l'industria. En general presuman ins in connex positiv tranter l'engrondiment da l'infrastructura da traffic ed il svilup da l'economia; però quai premetta ch'i existia in'atgna paisa economica da la regiun.

« Tras quai e pervia dal fatg ch'ina rentabilitad da l'economia da manaschi n'è betg cumprovabla cumplainamain, resulta la necessitad d'ina contemplaziun che resguarda tut la societad. »

Heinz Diemant, partiziun da finanzas VFF, Referat sur da la rentabilitad, salvà a la dieta d'infurmaziun davart la lingia da basa tras il Gottard, 15.03.1974
526 milliuns francs

importa il niz approximativ da la NVTA per onn tenor il studi da l'onn 2010 dad Ecoplan/Infras.

557 milliuns francs

importan ils custs approximativs da la NVTA per onn tenor il studi da l'onn 2010 dad Ecoplan/Infras.

3 francs

vegn ad importar il gudogn che resulta da la NVTA per tonna rauba transportada.

Render attent a questa pagina