Giasts prominents a la festa d'avertura

31 matg 2016
Cun il tren en viadi è raschunaivel e sabi
Cun il tren en viadi è raschunaivel e sabi

Passa 100 000 visitadras e visitaders han festivà il zercladur 2016 l'avertura dal tunnel da basa dal Gottard. Mess en funcziun vegn el pir il december. Per ina giada reunids en in cumpartiment da las VFF èn – fotografia da gruppa cun dunna – Angela Merkel, François Hollande, Matteo Renzi e Johann Schneider-Ammann. (2016, Keystone)

Tanta attenziun globala sco il 1. da zercladur 2016 na survegn la Svizra betg savens. Schurnalists dal Giapun, dal Kuwait, da Chile e da la China èn arrivads, la BBC rapporta detagliadamain. En in tren spezial sesan Angela Merkel, Matteo Renzi, François Hollande ed ulteriurs politichers prominents. Els laudan la gronda prestaziun da la Svizra a favur d'ina Europa economicamain unida. Il president da la Confederaziun Johann Schneider-Ammann e la ministra da traffic Doris Leuthard apprezieschan l'ovra da construcziun tschientenara sco simbol da l'avertadad. La festa, cun la quala la Svizra celebrescha l'avertura dal tunnel da basa dal Gottard, è pompusa e spectaculara. Betg preschents n'èn ils represchentants suprems da la UE, che n'han betg gì temp.

« Las lavurs èn stadas fitg grondas, il resultat è la paja. »

Uffizi federal da traffic, Rapport final tar las festivitads d'avertura, 05.09.2016
160'000 exemplars dal guid uffizial da festa

vegnan stampads.

160'000 persunas

s'annunzian per sa participar al viadi cun il tren d'avertura.

1100 giasts envidads

sa participeschan a l'occurrenza d'avertura uffiziala il 1. da zercladur, 300 collavuraturas e collavuraturs da las medias envidads als accumpognan.

Render attent a questa pagina