Il mitus dal Gottard

Stop al traffic d'autos
Stop al traffic d'autos

Il Gottard è in mitus. L'istorgia da questa muntogna vegn colliada cun la naschientscha da la Confederaziun e cun Guglielm Tell. Ils onns 1970 sa serva il moviment ecologic da Guglielm Tell per render attent a las smanatschas che resultan per il mund alpin tras il traffic motorisà. (1971-1990, Archiv social svizzer)

 «Senza il Gottard na datti nagina Confederaziun!», ha declamà il president da la Confederaziun Jean-Pascal Delamuraz ils 9 da november 1985 a chaschun dal giubileum da 100 onns da la fortezza dal Gottard. Il Gottard è in mitus da la Svizra. El represchenta defensiun, dentant er la funcziun da la Svizra sco pajais da transit. Ch'il pajais saja gia dapi adina stà sfurzadamain in center dal traffic internaziunal, hai num, ch'il tunnel saja ina resposta moderna a questa sfida. Menziunadas vegnan la Punt dal Diavel, las serpentinas da la Tremola u il tunnel sisum il pass. Dentant vegn relativada l'impurtanza dal Gottard e da la Svizra per il traffic da rauba pervia dal volumen da transit pli grond da l'Austria e da la Frantscha sco er pervia da l'augment da la navigaziun sin l'auta mar.

20 pertschient

dals transports da rauba transalpins mainan tras la Svizra (stadi da l'onn 2011).

21 pertschient

dals transports da rauba transalpins mainan tras la Frantscha (stadi da l'onn 2011).

59 pertschient

dals transports da rauba transalpins mainan tras l'Austria (stadi da l'onn 2011).

Render attent a questa pagina