Ils tessinais èn svelts

Grande Lugano
Grande Lugano

La staziun da Lugano, ch’è vegnida renovada l’onn 2014, splendura da bell’aura en in cotschen viv. (2017, Wikipedia)

Las staziuns las pli bellas e las pli veglias da la Svizra èn a Locarno, a Lugano ed a Bellinzona. Strusch ch'il conclus da construcziun per la viafier dal Gotthard è prendì l'onn 1868, sa mettan ils Tessinais a la lavur. Gia l'onn 1874 èn ils magnifics edifizis classicistics vegnids terminads, anc avant ch'ils trens circuleschan insumma tras il Tessin ed avant ch'il Gottard è perfurà. Ils edifizis da las staziuns a la lingia dal nord percunter, ad Altdorf, a Schwyz ed ad Arth-Goldau, èn plitost modests. Cura ch'ils lavurers da la Svizra Centrala cumenzan cun la construcziun, èn ils daners gia stgars. En il fratemp è la gronda part da questas staziuns vegnida remplazzada cun novas.

« A la fin menziunain nus anc, ch'igl è vegnì reagì sin las reclamaziuns occasiunalas dals hoteliers, perquai che lur giasts èn vegnids disturbads la damaun marvegl dal migim da la muaglia plazzada a la staziun, cun permetter il transport da muaglia pir a l'arrivada dal tren da martganzia a las 6.45. »

Direcziun generala da las VFF, Brev al cusseglier federal Josef Escher, 3 da settember 1953
38 miu. francs

custan las viafiers tessinaisas a la fin dal 19. tschientaner.

14,6 miu. francs

uschè bler avessan las viafiers tessinaisas duì custar.

10,6 miu. francs

ubain 28 pertschient da la summa totala da construcziun da las viafiers tessinaisas custan las staziuns da Bellinzona, Biasca, Cadenazzo, Locarno, Lugano e Chiasso.

Render attent a questa pagina