Ils tunnels da quest mund

Record mundial al Gottard
Record mundial al Gottard

Il tunnel da basa dal Gottard è in tunnel lung, forsa il tunnel da viafier il pli lung dal mund. Adina puspè vegn evocà en Svizra il record mundial. Ma il proxim tunnel anc pli lung arriva segiramain. (2010, AlpTransit Gottard SA)

La Svizra sa senta sco naziun da tunnels sco tala, e quai betg pir dapi ch'ella posseda il tunnel da basa dal Gottard, il tunnel ch'è cun ses 57 kilometers il pli lung tunnel da viafier dal mund. Na traversan betg nundumbraivels tunnels il pajais? E n'ha la Svizra betg creà l'onn 1708 cun il «Urnerloch» l'emprim tunnel tras las Alps insumma? Ma na betg mo la Svizra construescha tunnels. Intgins din ch'il tunnel il pli lung dal mund sa chattia a Guangzhou en China: 67 kilometers per ina metro. Tranter l'Austria e l'Italia vegn furà il mument il tunnel da basa dal Brenner che vegn ad avair ina lunghezza da 64 kilometers. Ed il tunnel da Bohai en China ch'è previs per l'onn 2022 duai mesirar 123 kilometers.

4 maschinas da perfurar tunnels da la firma Herrenknecht

lavuran en ils dus tunnels dal Gottard d'ina lunghezza da 57 kilometers.

51 maschinas da perfurar tunnels da la firma Herrenknecht

lavuran tar la construcziun da la metro en la citad gronda da la China dal sid Guangzhou.

151'840 meters

è la lunghezza da tut il sistem da tunnels e da gallarias dal tunnel da basa dal Gottard.

Render attent a questa pagina