L'onn 1993 avra a Basilea l'exposiziun speziala «Transit tras las Alps - construir per l'Europa», in mez onn suenter ch'il pievel ed ils chantuns han acceptà la NVTA. Ils presidents da la Conferenza svizra da la construcziun e da la Societad svizra dals impressaris-constructurs, il schef da la Direcziun da construcziun da las VFF ed il president dal Cussegl naziunal profitan da l'occasiun per formular lur aspectativas: Els cumbinan la dumonda da traffic cun la dumonda d'ina integraziun futura da la Svizra en l'Europa. En quest reguard è la NVTA er in project europeic.
« Nus n'essan betg cuntents mo cun las mieulas che crodan da la maisa dals signurs. »
President central da la Societad svizra dals impressaris constructurs, Pled d'avertura per l'exposiziun speziala «Transit tras las Alps – construir per l'Europa», 02-02-1993