La gruppa da studi nominada da la Confederaziun Tunnel dal Gottard surdat il cumenzament da l'onn 1962 a la firma Elektro-Watt l'incumbensa d'elavurar in project per in "tunnel da basa dal Gottard" davent dad Amsteg fin Giornico. Il rapport che vegn publitgà 5 mais pli tard examinescha las relaziuns geologicas e skizzescha il process da construcziun che duai vegnir realisà tras dus foss dubels. Ma i na resta betg mo tar quest project. Ils proxims onns vegnan fatgs numerus ulteriurs studis e numerusas calculaziuns, per exempel davart las capacitads futuras da las viafiers da muntogna gia existentas.

« La storta al PS da Giornico dovri en emprima lingia per motivs da la geologia e da la tecnica da construcziun. »

Elektro-Watt, Rapport tecnic davart il project da construcziun per in tunnel da basa dal Gottard, p. 4, 01-06-1962