La viafier vala sco med da transport ecologic. Ma dal cumenzament ennà sto ella cumbatter cunzunt en las Alps cunter la natira e vegnir protegida cun gronda lavur cunter las forzas da la natira. L'onn 1935 documenteschan las VFF lur vastas ovras da protecziun da la vart dal nord e dal sid dal Gottard fotograficamain en in album. Dapi il cumenzament dal tschientaner protegian guauds da protecziun ed ovras da crap, da binaris e da traversas il traffic da viafier cunter lavinas e cunter bovas. Sin las spundas libras che s'auzan sur ils binaris, construeschan ins rempars da lavinas che duain prevegnir la naiv da glischnar.
« La saira da Nadal, ils 24 da december 1881, è l'emprim tren passà tras il tunnel dal Gottard. 7 onns e 5 mais avevan ils umans cumbattì cunter la muntogna. »
Carnet OSL Nossa Viafier dal Gottard, p. 23, 1965
