Ina incumbensa centrala da la NVTA è quella da rinforzar il corridor per traffic da rauba tranter la Mar dal nord e la Mar mediterrana. A medem temp vegn rinforzada la capacitad da la colliaziun nord-sid mo en la dimensiun necessaria, sche la Germania e l'Italia engrondeschan lur trajects, sche l'axa Rotterdam-Genua vegn pia modernisada. Il Cussegl federal cumenza gia durant la projectaziun da la NVTA a far tractativas cun ils stadis vischins. L'onn 1995 fa el ina cunvegna cun la Germania davart ils trajects d'access tudestgs. L'engrondiment europeic senza interrupziun è en curs.
« Il traffic da persunas sto garantir che la Svizra vegnia integrada en la rait europeica da gronda prestaziun. »
Willy Loretan, Debatta en il Cussegl dals chantuns dals 16 da december 1997
