En connex cun las discussiuns davart la NVTA vegn adina puspè menziunada la lunga tradiziun da las vias da traffic che traversavan las Alps svizras. En il temp medieval manavan vias da sauma impurtantas sur il Gottard e sur ils pass bernais e valais. L'onn 1805 vegn terminada l'emprima «chaussée» da muntogna sur il Simplon. Ils onns 1820 vegn construida al Gottard medemamain ina via: Las serpentinas da la Tremola daventan ina icona da la construcziun da vias en muntogna. Ils onns 1860 vegn vitiers la via da l'Axen: Uschia maina er en il nord ina via directa tar il pass. Cun l'avertura da las lingias da viafier al Gottard (1882), al Simplon (1905) ed al Lötschberg (1913) perdan questas vias lur impurtanza per il traffic da transit. Ma en il turissem e cun la cumparsa dals vehichels a motor a partir dal temp tranter las guerras revivan ellas puspè.
« Man reist ja nicht, um anzukommen, sondern um zu reisen. »
Johann Wolfgang von Goethe, Brief an Caroline Herder, 05-09-1788
