Il tren cotschen stgir TEE, il Trans-Europ-Express, incorporescha durant la segunda mesadad dal 20. tschientaner la moda da viagiar svelt ed elegantamain. L'onn 1957 cumenza el cun ses manaschi sco fundaziun communabla da las viafiers federalas da la Belgia, dals Pajais Bass, da la Germania, da la Frantscha, da l'Italia, dal Luxemburg e da la Svizra. Prest circulescha el er tras il Gottard. La pitschna baselgia da Wassen, che la viagiatura ed il viagiatur vesa da differentas perspectivas, daventa ina icona turistica. Tar la NVTA che accelerescha il traffic da persunas, giogan motivs turistics ina rolla gist uschè gronda sco il traffic da rauba ecologic.
« Tgi che n'ha anc mai spons 25 liters sirup en in cumpartiment da terza classa da la viafier federala, n'ha betg il dretg da pretender ch'in viadi tras il Gottard saja bel. »
Klaus Schädelin, Mein Name ist Eugen, Turitg 1955, p. 71
