Il minister da finanzas Otto Stich declera l'onn 1995 a ses collegas ch'ils custs da la NVTA sajan pli auts che las 14 milliardas francs presumadas. Che per finanziar la NVTA dovria quai tranter auter ina taxa sin il traffic da camiuns pesants. A medem temp crititgescha el l'uschenumnada varianta da rait: L'augment da capacitad empermess na possia betg vegnir utilisà senza ina perfuraziun supplementara dal Giura. Il Departament federal da traffic e d'energia sa referescha ad in'expertisa da la firma da consultaziun englaisa Coopers & Lybrand. Questa expertisa di che la capacitad dal traffic da rauba vegnia a s'augmentar considerablamain.

« Dal puntg da vista da la politica da traffic na fa il program da construcziun actual nagin senn. »

Cusseglier federal Otto Stich, Ponderaziuns davart la relaziun tranter la politica da traffic e la politica da finanzas, 29-05-1995