Suenter las decisiuns da construir (1992), d'etappar (1996) sco er da finanziar la NVTA (1998) fa il Cussegl federal 1999 adattaziuns da la politica regiunala e da traffic ch'èn impurtantas, ma che na vegnan strusch observadas da la publicitad. En anticipescha temporalmain singulas construcziuns, per exempel il tunnel a dus binaris Turitg-Thalwil u ils trajects da lingia tranter Son Gagl ed Arth-Goldau. La forza motorica en quest process è stada la refurma da la viafier 1: Questa refurma integrescha pli fitg ils chantuns sco empustaders e pajaders da servetschs da viafier. Impurtantas èn las surposiziuns tranter il project Viafier 2000 e NVTA. Tras ils trajects d'access èn quests trajects d'access per part colliads in cun l'auter.

« La decisiun davart in'anticipaziun dal tunnel dal Ceneri vegn sistida, fin che las dumondas davart il sistem da tunnel e davart la finanziaziun tras terzas persunas èn scleridas. »

Cussegl federal, Conclus «Cumenzament da las lavurs da construcziun da la segunda fasa», 14-06-1999