La «fanestra d'opportunitad» manegia quel temp, durant il qual po vegnir realisada ina gronda finamira che vegn persequitada gia daditg. La metafra implitgescha ch'ins sto profitar da la schanza uscheditg che la fanestra è averta, perquai ch'ella era gist anc serrada e vegn proximamain puspè ad esser serrada. Il cusseglier federal Adolf Ogi ha evocà repetidamain la «window of opportunity» suenter l'onn 1990 e profità da las schanzas: las discussiuns da la politica d'ambient davart la muria dal guaud, la tschertga d'ina posiziun da la Svizra en il context da l'uniun da l'Europa e l'atmosfera da partenza en la politica da traffic.

« Per dir quai gist al cumenzament: Jau na ma sent insumma betg sco bab da la NVTA. »

Cusseglier federal Adolf Ogi, Schweizer Baublatt, senza data