Il segund tunnel

19 matg 1906
Da Brig fin en l'Italia
Da Brig fin en l'Italia

Il tunnel dal Simplon è oz en la sumbriva dals tunnels da basa dal Gottard e dal Lötschberg, ma l'onn 1906, cur ch'el è vegnì avert, era el il pli lung tunnel da viafier dal mund. Avant la terminaziun sa mettan lavurants en posa sin in tren da construcziun davant il portal nord a Brig. (1900-1905, SBB Historic)

Suenter in temp da construcziun dad 8 onns vegn avert il tunnel dal Simplon d'in vial e pia - suenter il Gottard - la segunda lingia da viafier svizra tras las Alps. Cun ina lunghezza da stgars 20 kilometers è el quella giada il tunnel da viafier il pli lung dal mund. Ussa è er la Svizra occidentala colliada cun ina lingia da transit che maina vers il sid. La patruna da construcziun è en in emprim mument la viafier privata Giura-Simplon SA ch'è quella giada la societad da viafier la pli gronda da la Svizra. Cun statalisar las viafiers vegn questa viafier privata remplazzada tras las novas Viafiers federalas svizras, las VFF. L'onn 1908 vegn la viafier electrifitgada, l'onn 1921 vegn terminà in segund bischen ad in vial.

« La cumissiun propona pia il tunnel da basa cun ina lunghezza da 16070 m sin in'autezza tranter 820 ed 830 m. »

Rapport dals experts davart la perfuraziun dal Simplon, p. 36, 17-11-1886

Le Simplon

1955, SBB Historic

Le Simplon

Il Simplon , 1955 (SBB Historic)

50 Jahre Simplontunnel

1956, Archiv federal svizzer

50 Jahre Simplontunnel

50 onns tunnel dal Simplon, 1956 (Archiv federal svizzer)

19'803 meters

lunghezza dal tunnel dal Simplon.

3'000 persunas

lavuran en media vi dal tunnel dal Simplon.

7.5 onns

empè dals 5,5 onns supponids ha durà la construcziun dal traject.

Render attent a questa pagina