Suenter la construcziun dal traject dal Gottard e dal Simplon vulan la Svizra occidentala, la Svizra orientala e la regiun da Berna er ina viafier da muntogna. L'onn 1906 fundan la societad bernaisa da la viafier tras las Alps Berna-Lötschberg-Simplon (BLS), il chantun Berna e l'economia bernaisa da forza electrica ina cuminanza d'interess. A questa cuminanza d'interess reusseschi da realisar la viafier da muntogna. Il tunnel dal Lötschberg a dus vials vegn terminà l'onn 1911, il manaschi cumenza l'onn 1913. Uschia maina ussa er davent da la Svizra bassa occidentala ina colliaziun da tren directa vers l'Italia.

« La construcziun d'ina viafier alpina pretenda pia forzas finanzialas considerablas, uschia ch'ina segunda u schizunt ina terza na po mai e mai pli star en discussiun sulettamain en vista a quai. »

E. Schmid, La traversada da las Alps cun ina viafier, p. 1, fanadur 1864