Resultats per la fasa
"Planisaziun e decisiun dal pievel 1983 - 1992"

Mez dals onns 1980 reprendan politichers ils plans da la NVTA. Cun la muria dal guaud vegnan percepids pli ferm ils problems ecologics. Ultra da quai èn il plan da spustar rauba sin la viafier ed il tunnel da basa tras il Gottard ed il Lötschberg respostas a la pretensiun da l'Europa d'eliminar obstachels en il transport sin via. La finala survegn la NVTA sco cumplettaziun federalistica dal project Viafier 2000 dapli paisa: Ussa vegnan resguardadas tut las parts da la Svizra. L'onn 1992 acceptan las votantas ed ils votants svizzers il project da la NVTA.

1985

In cudesch muventa la viafier

Darar influenzescha ina lavur da qualificaziun academica la politica. Il cudesch da Hans-Jörg Bertschi dat nov schlantsch a la NVTA.

Guardar l'eveniment
1986

Viafier 2000

Tgi che discurra da la NVTA, na dastga betg emblidar la Viafier 2000. Ella ha accelerà la concentraziun da la rait da viafier e la renovaziun da l’infrastructura.

Guardar l'eveniment
11 fanadur 1988

Tschintg variantas

Lötschberg-Simplon, Gottard, ipsilon u – dubel – Spleia? Il Cussegl federal vul cuntinuar cun las variantas Gottard e Lötschberg-Simplon.

Guardar l'eveniment
1988

«Viafier cun via»

In rapport cun consequenzas: Il biro Infras recumonda da proceder en moda coordinada sin plaun internaziunal e da spustar il traffic sin via sin la viafier.

Guardar l'eveniment
1988

Empustar, construir, gestir

Cun construir la NVTA fa la Confederaziun ina separaziun tranter infrastructura e gestiun. Quest nov manaschament da projects sa cumprova.

Guardar l'eveniment
1. mars 1989

Soluziuns transcunfinalas

La Conferenza europeica dal traffic metta l'onn 1989 a Francfurt al Main ils binaris per la viafier. Per la Svizra sa participescha Adolf Ogi a la conferenza.

Guardar l'eveniment
28 november 1989

La Svizra orientala sto desister

La viafier orientala da las Alps è il siemi da la Svizra orientala. Suenter che quest siemi n'è betg ì en vigur, vegn la regiun dentant resguardada en la varianta da rait.

Guardar l'eveniment
1990

Il trassé sco zona problematica

La planisaziun dal traffic da viafier è cumplexa. Trens che curseschan sin il medem binari pon numnadamain surpassar mo en paucs lieus. Las unitads da planisaziun èn ils «trassés».

Guardar l'eveniment
3 october 1991

Il parlament vul la NVTA

Cur ch'il parlament s'exprima a favur da la construcziun da la NVTA, preschenta el arguments da la politica regiunala, ecologica ed europeica.

Guardar l'eveniment
1. matg 1992

Cunvegna cun l'Europa

Avant che la NVTA vegnia concludida dal pievel, introducescha la politica il project en las tractativas cun l'Europa.

Guardar l'eveniment
1992

Il consentiment da la Svizra occidentala

Dals dus tunnels da basa tras il Gottard e tras il Lötschberg profitan cunzunt Turitg, Berna, il Vallais ed il Tessin. Ma er la Svizra occidentala ha in grond niz da la NVTA.

Guardar l'eveniment
26 settember 1992

Gea a la NVTA

Il suveran accepta cleramain il project NVTA, pia tranter auter la construcziun nova dals tunnels dal Gottard, dal Ceneri e dal Lötschberg.

Guardar l'eveniment
5 december 1992

Na al Spazi economic europeic (SEE)

Cur che la Svizra decida stretgamain na al Spazi economic europeic, stagnan sias tractativas da la polizia da traffic cun l'Europa.

Guardar l'eveniment