Squitsch dal moviment ecologic

20 avrigl 1993
Oasas ecologicas
Oasas ecologicas

Las novas lingias da viafier fan in tagl marcant tras la cuntrada. Sin squitsch dal moviment ecologic vegnan fatgas «renatiralisaziuns» cumpensatoricas, qua ad Uri. (2009, AlpTransit Gottard SA)

Las organisaziuns da l'ambient, il Departament federal da traffic e d'energia e l'Uffizi federal da traffic discutan l'onn 1993 davart las dumondas avertas da la NVTA. La «ovra da construcziun tschientenara» è pliras giadas l'object da debattas animadas: quanta protecziun da l'ambient è pussaivla e necessaria, co pon las organisaziuns da l'ambient influenzar il traject, co vegn infurmada la publicitad davart la planisaziun? Ina plattafurma impurtanta per las debattas è la Gruppa da lavur per l'ambient.

« Tenor quai ch'ins ha udì vegnan las limitas surpassadas cun gronda probabilitad. »

Signur V. Gianella, UFAGC (stab da direcziun, schef dal servetsch EE), Protocol dals resultats da las discussiuns a chaschun dal lavuratori d'ambient per l'axa dal Lötschberg dals 19 da favrer 1993 (igiena da l'aria)
600 milliuns francs

vegnan impundids per soluziuns architectonicas per l'ambient e per l'abitadi.

3.1 milliuns meters quadrat

surfatscha da bostgaglia vegnan cultivads da las VFF per lung da lur lingias da viafier.

5 pertschient

dal surpassament dals custs da la NVTA Gottard van a donn e cust da meglieraziuns da projects per «uman ed ambient».

Render attent a questa pagina