Enconuschientschas exactas da la cumposiziun da la grippa e da las qualitads da la crappa èn centralas per la construcziun da tunnels. Rechats geologics influenzeschan ils trassés, las uschenumnadas lavurs d'avanzament dal tunnel e las schanzas da success d'in project. Al Gottard èn las taissas furmaziuns da grip, per il pli gnais e granit, ina difficultad particulara. La zona pli instabila da Clavaniev e cunzunt la fora da Piora vegnan exploradas cun sondagis. Er en connex cun las lavurs d'avanzament dal tunnel sto la crappa vegnir analisada permanentamain. Ils resultats procuran adina puspè per novs models geologics.
« Per construir in tunnel è la crappa en general vaira adattada, las zonas da trias èn pauc adattadas. »
Uffizi federal da traffic, Rapport geologic preliminar per la viafier dal Spleia, p. 32, 28.02.1975
