Coordinaziun en il traffic da viafier

La forsch s'avra

A partir da l'onn 1950 perda la viafier massivamain quotas dal martgà en il traffic da persunas sin donn e cust dal traffic sin via. (1979, Uffizi federal da statistica)

Cun l'avertura dal tunnel dal Gottard, l'onn 1882, resta la viafier en las Alps ditg senza concurrenza en il transport da rauba e da persunas. A partir da l'onn 1950 cumenza la motorisaziun da las massas. Il traffic sin via conquista impurtantas quotas dal martgà. Suenter l'avertura dal tunnel da via dal Gottard l'onn 1980, dovran mo pli 10 pertschient dals passagiers la viafier: circa 90 pertschient dal traffic transalpin circulescha sin via. En vista a lur deficits dattan las VFF alarm. Sin basa da ponderaziuns pertutgant ina concepziun globala dal traffic fixescha la Confederaziun l'onn 1981 la politica da traffic coordinada e l'incarica da prestaziun: uschia resulta la basa per las VFF manadas tenor princips d'interpresa. La Confederaziun las deliberescha da lur debits e finanziescha il provediment da basa en il traffic regiunal.

« Ils gronds deficits da las VFF na permettan però betg pli da far ina politica dal spetgar. »

Cussegl federal, Missiva tar l'incarica da prestaziun a las VFF, 13 da matg 1881

Render attent a questa pagina