Politica
La realisaziun da la NVTA è ina lecziun exemplarica da la politica svizra. Bunamain 40 onns hai durà fin che las differentas regiuns e gruppaziuns politicas èn sa cunvegnidas davart il trassé actual e davart la finanziaziun. Quai che dura ditg, è francà en moda tant pli stabila en il pajais. Cun la NVTA fa la Svizra dentant er politica exteriura: En las tractativas cun l'Uniun europeica gioga la NVTA ina rolla impurtanta, perquai ch'ella collia il nord cun il sid da l'Europa. Ella sa porscha sco soluziun per dumagnar ecologicamain la circulaziun creschenta da traffic.
Chavazzins davart il tema Politica
Il comité etern
Il Gottard: muntognas, mitus, emprestanum. Dapi l’onn 1860 exista il comité da medem num ch’accelerescha la renovaziun da la lingia da viafier tras las Alps.
Guardar l'evenimentStatalisaziun da la viafier dal Gottard
Las VFF naschan da la statalisaziun da las grondas viafiers svizras privatas. Sco ultima vegn integrada la viafier dal Gottard che sa demussa sco lingia la pli rentabla.
Guardar l'evenimentVisiunaris
Spühler, Gnägi, Bonvin, Ritschard, Schlumpf: quests cussegliers federals èn tuts visiunaris da la NVTA.
Guardar l'evenimentAuto vs. viafier
Ditg è la viafier in pau ordavant, ma cun l'avertura dal tunnel da via dal Gottard, l'onn 1980, concurrenzescha il traffic sin via transalpin la viafier.
Guardar l'evenimentVieuta da la politica d'ambient
Durant ils onns 1970 vegn la populaziun sensibilisada ecologicamain: Muria dal guaud e protecziun da las Alps èn las devisas. La NVTA profita da quai.
Guardar l'evenimentCoordinaziun en il traffic da viafier
Las vias e las viafiers vegnan planisadas e construidas senza lunga coordinaziun. Entant che la rait da vias daventa pli e pli moderna, resta la viafier enavos. L'onn 1981 intervegn la Confederaziun.
Guardar l'evenimentRealisaturs e realisatura
Ogi, Leuenberger, Leuthard: Quests cussegliers federals e questa cussegliera federala realiseschan la NVTA.
Guardar l'evenimentSoluziuns transcunfinalas
La Conferenza europeica dal traffic metta l'onn 1989 a Francfurt al Main ils binaris per la viafier. Per la Svizra sa participescha Adolf Ogi a la conferenza.
Guardar l'evenimentLa Svizra orientala sto desister
La viafier orientala da las Alps è il siemi da la Svizra orientala. Suenter che quest siemi n'è betg ì en vigur, vegn la regiun dentant resguardada en la varianta da rait.
Guardar l'evenimentIl parlament vul la NVTA
Cur ch'il parlament s'exprima a favur da la construcziun da la NVTA, preschenta el arguments da la politica regiunala, ecologica ed europeica.
Guardar l'evenimentCunvegna cun l'Europa
Avant che la NVTA vegnia concludida dal pievel, introducescha la politica il project en las tractativas cun l'Europa.
Guardar l'evenimentGea a la NVTA
Il suveran accepta cleramain il project NVTA, pia tranter auter la construcziun nova dals tunnels dal Gottard, dal Ceneri e dal Lötschberg.
Guardar l'evenimentNa al Spazi economic europeic (SEE)
Cur che la Svizra decida stretgamain na al Spazi economic europeic, stagnan sias tractativas da la polizia da traffic cun l'Europa.
Guardar l'evenimentGea a l'Iniziativa da las Alps
Il gea surprendent da las votantas e dals votants svizzers a l'Iniziativa da las Alps accelerescha il svilup da la NVTA.
Guardar l'evenimentGlisch verda per la varianta da rait
Il Cussegl federal conferma la NVTA sco varianta da rait. Tras quai pon vegnir construidas las duas axas Gottard-Ceneri e Lötschberg.
Guardar l'evenimentPolitica da traffic sco politica da finanzas
Il Cusseglier federal Otto Stich è persvadì che la NVTA vegnia a custar dapli che las 14 milliardas francs presumadas.
Guardar l'evenimentRotterdam–Genua
La renovaziun da la lingia da martganzia Rotterdam–Genua avanza mo plaunsieu. Cun la colliaziun als ports da mar è l’Italia en retard.
Guardar l'evenimentIls giavischs da l'Uri
Il chantun Uri è spezialmain pertutgà da la construcziun da l'axa dal Gottard. El vul spustar il traject d'access al tunnel da viafier en il munt. I resultan tractativas plain conflicts cun la Confederaziun.
Guardar l'evenimentGea al Conclus federal davart la construcziun e la finanziaziun da projects d'infrastructura dal traffic public (FTP)
La finanziaziun da la NVTA è garantida: L'infrastructura da viafier da la Svizra duai vegnir modernisada per pli che 30 milliardas francs.
Guardar l'evenimentLa surveglianza
Ch'il project grond procedia giuridicamain en in stadi irreproschabel e cunvegnentamain, controlla la Delegaziun da surveglianza dal parlament.
Guardar l'evenimentAdattaziuns nunobservadas
Strusch observà da la publicitad, anticipescha il Cussegl federal puspè la construcziun dal tunnel a dus binaris Turitg-Thalwil.
Guardar l'evenimentLa fin da la limita da 28 tonnas
Da nov dastgan traversar la Svizra camiuns d'in pais da 40 tonnas. Persuenter accepta la UE la taxa sin il traffic da camiuns pesants.
Guardar l'evenimentGea al tunnel da basa dal Ceneri
La finanziaziun dal tunnel dal Ceneri è contestada. Il Cusseglier federal Moritz Leuenberger s'engascha vehementamain per quest tunnel.
Guardar l'evenimentL'etappa da 5,4 milliardas
Quant custa la NVTA? Emprimas stimaziuns presuman 12 milliardas francs. L'onn 2009 conceda il parlament la summa supplementara e decisiva da 5,4 milliardas.
Guardar l'evenimentTraffic vulnerabel
La stad 2017 èn sfundrads binaris a Rastatt. Silsuenter na funcziunava nagut pli. L’incap mussa, ch’il sistem da viafier europeic è fragil.
Guardar l'evenimentEscher forever?
La lingia dal Gottard reussescha grazia a la politica da Basilea, grazia a la nova tecnica da construir tunnels e grazia ad in consens internaziunal. L'influenza dad Escher vegn survalitada.
Guardar l'eveniment