Realisaturs e realisatura

Ina giurista en il Cussegl federal

Doris Leuthard represchenta dals onns 2006 fin 2018 la Partida cristiandemocratica en la regenza naziunala. Ella maina il Departament d'economia publica ed il Departament da traffic. (2016, Wikipedia)

Els èn ils realisaturs: ils cussegliers federals Adolf Ogi (PPS, 1988–1995) e Moritz Leuenberger (PS, 1995–2010) sco er la cussegliera federala Doris Leuthard (PCD, 2010–2018). Senza Ogi na dessi betg la NVTA. En l'ambient dal traffic creschent, da las debattas davart la politica d'ambient e da l'integraziun europeica sviluppa el in elan irresistibel. Sut Leuenberger vegnan realisadas las emprimas construcziuns ed acceptads plirs projects, sco il Conclus federal davart la construcziun e la finanziaziun da projects d'infrastructura dal traffic public, l'uschenumnada FTP, e la taxa sin il traffic da camiuns pesants dependenta da la prestaziun. En l'era da Leuthard tutgan la finiziun e l'avertura dal tunnel da basa dal Gottard e la cuntinuaziun da la construcziun da l'infrastructura (tunnel dal Ceneri, vias d'access, corridor da 4 meters), ma er il segund tunnel d'autos tras il Gottard, che cuntrafa a la finamira da transferir il traffic da rauba da la via sin la viafier.

« Quant grev ch'igl è da tschertgar in consens sa mussa er vi dal fatg che bler n'è adina anc betg decidì en las chombras federalas. »

Moritz Leuenberger, Referat a Basilea, 16. Januar 1997
1320 milliuns francs

(finanziaziun speziala da l'infrastructura dal traffic public [FTP]) èn previs per la Nova lingia da viafier tras las Alps (NVTA) tenor il cusseglier federal Moritz Leuenberger

603 milliuns francs

(finanziaziun speziala da l'infrastructura dal traffic public [FTP]) èn previs per la Viafier 2000 tenor il cusseglier federal Moritz Leuenberger

55 milliuns francs

(finanziaziun speziala da l'infrastructura dal traffic public [FTP]) èn previs per la sanaziun cunter la canera tenor il cusseglier federal Moritz Leuenberger

Render attent a questa pagina