L'express Europa-Africa

Fermada en il Gottard
Fermada en il Gottard

Cun il tren d'auta sveltezza da Berlin tras il Gottard fin a Cairo e Khartum – questa visiun skizzescha l'inschigner Eduard Gruner l'onn 1947. Dal «tunnel da basa dal Gottard» arrivan ins cun l'ascensur si en il territori da skis da Sedrun. (1947, SPF Turitg)

L'inschigner Eduard Gruner ha publitgà l'onn 1947 en la revista «Prisma» sia visiun d'ina viafier: L'onn 2000 duai in tunnel dal Gottard colliar Amsteg cun Biasca. Il viadi da Basilea a Chiasso vegn a durar mo pli duas uras. Tras quai è decidida «la rivalitad tranter la viafier e la via a favur da la viafier», ils sgols entaifer l'Europa centrala daventan obsolets. D'ina staziun en il tunnel cuntanschan ins sur in ascensur dad 830 meters autezza il center da sport mundan a Sedrun. Il tren da parada da la colliaziun directa è «l'express Europa-Africa» che porscha vaguns-restaurant, «duschas, in salun da coiffeur, kiosc, bar e telefon». Gia 2 onns suenter la publicaziun da Gruner furma il tunnel da basa dal Gottard l'object d'in studi da l'economia publica.

« En duas uras passa l'express il traject tranter Basilea e Chiasso. »

Eduard Gruner, Revista Prisma, 01-08-1947

Render attent a questa pagina