Trajects da muntogna, ed uss?

Concentraziun dal traffic alpin
Concentraziun dal traffic alpin

Ils dus tunnels da spirala da Biaschina en la Leventina èn legendars per amias ed amis da la viafier. Suravi sa stenda l’autostrada dal Gottard. (nunenconuschent, Steineggerpix sagl)

Da la svelta colliaziun da la NVTA tras il Gottard profita per exempel il chantun Tessin che registrescha cleramain dapli pernottaziuns (l'onn 2017 è il dumber da pernottaziuns en hotels ed en pensiuns s'augmentà per 7,7 pertschient sin 2,3 milliuns), entant che la Val d'Ursera en il nord e la Leventina en il sid èn en privel da perder lur impurtanza turistica. L'avegnir dal vegl traject da muntogna - che ha intgantà las viagiaturas ed ils viagiaturs da tren durant passa tschient onns cun ses panorama, cun ils tunnels da spirala a Wassen e las spiralas a Biaschina - è intschert. La ruta n'ha nagina clera funcziun sco il vegl traject dal Lötschberg cun ses transport d'autos. Tgi surpiglia ils immens custs da mantegniment? Duai il traject daventar patrimoni cultural mundial da l'UNESCO u duai el vegnir utilisà dapli per il traffic da martganzia? Las VFF e la Viafier dal Sidost planiseschan d'utilisar e da commerzialisar communablamain il traject a partir da l'onn 2021.

« Serrar il traject da muntogna dal Gottard n'è per motivs politics, istorics e per motivs pertutgant il traffic betg inditgà a curta u a media vista. »

Pagina d'internet da l'UFT, Rapport dal Cussegl federal, 2014
500 passagieras e passagiers

charreschan anc mintga di sin il traject da muntogna dal Gottard.

7600 passagieras e passagiers

viagiavan sin quest traject avant l'avertura dal tunnel da basa dal Gottard.

2.28 miu. persunas

han pernottà l'onn 2017 en hotels ed en ustarias tessinaisas: 7,7 pertschient dapli che l'onn 2016. L'augment considerabel è er d'attribuir a l'avertura dal tunnel da basa dal Gottard.

Render attent a questa pagina