L'onn 1965 decida il parlament da construir in tunnel d'autos tras il Gottard. L'euforia davart la motorisaziun da las massas è gronda: L'auto ch'è pajabel per la vasta populaziun n'enconuscha betg cunfins. Las lavurs da construcziun duran da l'onn 1970 fin il 1980. Las persunas responsablas partan dal fatg, ch'il tunnel duaja servir cunzunt al traffic da persunas che s'augmenta. Ma er il traffic da rauba sin via s'augmenta fermamain. Il traffic sin via transalpin concurrenzescha da ussa envi cun la viafier.
« Quest tunnel n'è betg in corridor per il traffic pesant. »
Cusseglier federal Hans Hürlimann, Pled d'avertura dal tunnel da via dal Gottard, 05.09.1980
