Las votantas ed ils votants acceptan las Cunvegnas bilateralas stipuladas cun l'Uniun europeica ils 21 da matg 2000 cun 67 pertschient vuschs affirmativas. Tras quai vegn sistida la limita da 28 tonnas per camiuns. La valur maximala è da nov 40 tonnas. Persuenter accepta la UE la taxa sin il traffic da camiuns pesants che duai sustegnair la finamira da spustament da la NVTA. Ultra da quai regla la Cunvegna l'avertura dals martgads da vias e da viafiers per persunas e per rauba.
« Il stadi d'infurmaziun da las votantas e dals votants era detg bun. »
Hans Hirter, Wolf Linder, Analisa Vox da las votaziuns federalas dals 21 da matg 2000, zercladur 2000