Il corridor da 4 meters

31 matg 2014
Senza collisiun tras la Svizra
Senza collisiun tras la Svizra

Ils trajects da la NVTA vegnan adattads a las normas dal traffic da rauba internaziunal. Staziuns, punts e tunnels ston vegnir assimilads al «profil interiur» pli grond. Plan per il tunnel da Paradiso a Lugano, 2014. (2013, Uffizi federal da traffic)

La Lescha davart la construcziun e la finanziaziun dal corridor da 4 meters sin l'axa dal Gottard entra en vigur il 1. da zercladur 2014. Questa lescha rinforza il spustament dal traffic da rauba tras las Alps da la via sin la viafier -­ la finamira da la NVTA. Per ch'ins possia transportar cun la viafier semi-remortgas cun in'autezza da 4 meters e cun ina ladezza da 2,6 meters tranter Basilea e Chiasso respectivamain Luino, na ston betg mo vegnir schlargiads ils tunnels, mabain adattads al profil necessari er numerus access, numerusas punts e numerus tetgs da perruns.

« Sco quai ch'igl è explitgà en la cifra 1.1.2 vegnan duvrads en il traffic cumbinà betg accumpagnà (TCA) pli e pli semiremortgas cun in'autezza da 4,00 m. Quai ha clers avantatgs logistics ed economics tant per las interpresas che chargian la rauba sco er per las interpresas da transport. »

Missiva dal Cussegl federal, p. 3844, 22-05-2013
40.1 milliuns tonnas

è la quantitad da rauba che vegn transportada en il traffic da rauba transalpin l'onn 2010.

990 milliuns francs

importa il credit ch'il parlament ha concedì per l'amplificaziun necessaria dals profils interiurs.

17.1 milliuns tonnas

da quellas vegnan transportadas en il traffic cumbinà. Quel cumpiglia il transport da containers, da recipients polivalents e da semiremortgas.

Render attent a questa pagina