Construcziun

La NVTA è in project grond che vegn realisà cun grond progress. Las lavurs da construcziun èn vegnidas cumenzadas uffizialmain pir l'onn 1999. Las perfuraziuns dal Lötschberg e dal Gottard - las ovras las pli spectacularas da la NVTA - na fissan betg stadas pussaivlas senza ils millis lavurants da tut il mund. Cun las maschinas giganticas da perfurar tunnels èn els avanzads 5 giadas pli svelt ch'ils umens che han construì l'emprim tunnel dal Gottard avant circa 140 onns.

1846

La viafier è fatga d’atschal

Betg mintga rodaglia n’è eguala. Igl exista in grond dumber da tips da construcziun differents.

Guardar l'eveniment
1882

Privel en maun

Construir in tunnel è ina interpresa privlusa per ils lavurants. Ils differents plazzals al Gottard cumprovan che las mesiras da segirezza daventan adina meglras.

Guardar l'eveniment
21 matg 1882

Inauguraziun dal tunnel dal Gottard

L'emprim tunnel tras il Gottard è il mument da sia avertura il tunnel da viafier il pli lung dal mund. El vegn finanzià per gronda part cun chapital ester.

Guardar l'eveniment
18 matg 1906

Il segund tunnel

Il tunnel dal Simplon avra – suenter il Gottard – la segunda lingia da viafier tras las Alps da la Svizra. Ussa è colliada la Svizra occidentala cun il sid.

Guardar l'eveniment
14 fanadur 1913

Colliaziun tras il Lötschberg

Il traject dal Lötschberg e ses tunnel collian la Svizra bassa occidentala cun l'Italia.

Guardar l'eveniment
1915

L’emprim tunnel da basa

Hauenstein? Gia ditg avant il Gottard ed il Lötschberg è vegnì construì tras la chadaina da collinas sper Olten l’emprim tunnel da basa en l’istorgia da la viafier svizra.

Guardar l'eveniment
1923

Charvun alv empè da charvun nair

L'electrificaziun da la lingia dal Gottard è vegnida terminada l'onn 1924. Ussa producescha la Svizra l'energia per sias viafiers cun atgna forza idraulica, empè da cun charvun da la Prussia.

Guardar l'eveniment
1986

Viafier 2000

Tgi che discurra da la NVTA, na dastga betg emblidar la Viafier 2000. Ella ha accelerà la concentraziun da la rait da viafier e la renovaziun da l’infrastructura.

Guardar l'eveniment
1992

Bels tunnels

La NVTA è architectura. Ses edifizis han furmas minimalisticas, er ils tunnels ch'èn strusch vesaivels.

Guardar l'eveniment
3 october 1993

Emprimas lavurs

La NVTA è bler dapli ch'il tunnel da basa dal Gottard, ma ils emprims sondagis per il project grond NVTA vegnan fatgs al Gottard.

Guardar l'eveniment
4 fanadur 1999

Il cumenzament da las lavurs da construcziun

Er sch'igl èn vegnidas fatgas lavurs gia ordavant: L'emprima siglientada al Lötschberg vala sco cumenzament uffizial da las lavurs da construcziun da la NVTA.

Guardar l'eveniment
26 november 2000

Geologia e mesiraziuns

La construcziun da tunnels è dependenta da savida scientifica. La geologia levgescha la via tras il grip.

Guardar l'eveniment
15 avrigl 2004

Custs

La finanziaziun dal project grond vegn discutada en moda intensiva. Il tema èn cunzunt ils custs che s'augmentan.

Guardar l'eveniment
2005

Controlla en il tunnel

In nov sistem da controlla transmetta ils cumonds sur ina rait da func digitala sin in monitur en la cabina dal manischunz.

Guardar l'eveniment
1. zercladur 2006

Construcziun dal tunnel dal Ceneri

Il tunnel da basa dal Ceneri è il terz project grond da la NVTA. El è en la sumbriva dal tunnel dal Gottard e dal tunnel dal Lötschberg, vegn dentant ad inaugurar ina nova èra per il traffic regiunal dal Tessin.

Guardar l'eveniment
5 settember 2006

Perfuraziun dal Gottard

Il tunnel da basa dal Gottard è il tunnel cardinal da la NVTA. L'emprima perfuraziun d'ina maschina da furar è vegnida fatga en il bischen ost.

Guardar l'eveniment
8 december 2007

Il Lötschberg va en funcziun

Cun l'avertura dal tunnel da basa dal Lötschberg va en funcziun in'emprima part da la NVTA.

Guardar l'eveniment
14 october 2008

Traversada da la foppa da Piora

La foppa da Piora, cun sia crappa granellusa, smanatscha da periclitar la construcziun dal tunnel da basa dal Gottard.

Guardar l'eveniment
31 matg 2014

Il corridor da 4 meters

Per pudair transportar las chargias pli grondas, na ston betg mo vegnir adattads ils tunnels, mabain er autras infrastructuras da viafier.

Guardar l'eveniment
30 october 2014

Tranter grippa e betun

Il tunnel da basa dal Gottard è in product d'auta tecnologia – ed in resultat da mauns che prendan per mauns insatge. Senza lavurants, miradurs e betunaders na vegn construì nagin tunnel.

Guardar l'eveniment
30 settember 2015

Tests al Gottard

La nova lingia dal Gottard cumpiglia blera tecnica. Sia funcziun vegn controllada cun blera lavur e cun blers custs.

Guardar l'eveniment
31 december 2016

Superportas

Las meglras portas da fugia èn installadas en il tunnel dal Gottard. Lur construcziun han ellas d’engraziar a la NVTA. L’innovaziun gronda ha chaschunà bleras innovaziuns pli pitschnas.

Guardar l'eveniment
2019

Ceneri, il terz tunnel da basa

La NVTA è dapli che ses trais tunnels, ma quels èn etappas da la gronda construcziun, che giogan ina rolla activa en las medias. Cun la finiziun dal tunnel da basa dal Ceneri l'onn 2020 è terminada la NVTA.

Guardar l'eveniment