Fieu cun consequenzas

24 october 2001
Mar da flommas

Suenter ina collisiun frontala da dus camiuns s'envida in fieu catastrofal en il tunnel da via dal Gottard l'onn 2001. Indesch persunas perdan lur vita. (24 d'october 2001, Polizia chantunala dal Tessin)

Ils 24 d'october 2001 collideschan frontalmain dus camiuns en il tunnel dal Gottard. Immediatamain prorumpa in fieu, 11 persunas moran. Ils spezialists èn alarmads, perquai che las mesiras da segirezza n'han betg tanschì: suenter in fieu da 30 secundas era la vista anc 2 meters, la temperatura aveva cuntanschì 1200 grads. L'incendi chaschuna – ensemen cun las catastrofas en ils tunnels dal Montblanc, da las Tauern e da Kaprun – standards da segirezza pli severs, che vegnan elavurads en plirs projects da perscrutaziun da la UE. En il tunnel da basa dal Gottard vegnan demontads ils sistems da ventilaziun, en il tunnel dal Ceneri resultan dus tunnels ad in vial empè da sco planisà in singul tunnel a dus vials. L'incendi è bain in dals facturs che procura l'onn 2016 per il consentiment da las votantas e dals votants a la construcziun dal segund tunnel da via dal Gottard.

« La collisiun frontala è capitada la mesemna. I ardeva anc la gievgia. Il venderdi avain nus cumenzà a reparar il tunnel en in turnus da trais equipas. Nus avain construì da nov 1 kilometer tunnel destruì. »

Mauro Chinotti, Publicaziun «Drei Weltrekorde am Gotthard: Politiker, Unternehmer, Ingenieure, Tunnelbauer, Baden 2016»

Render attent a questa pagina