L'Iniziativa da las Alps vegn acceptada l'onn 1994 cun 52 pertschient vuschs affirmativas: La Constituziun federala duai proteger il territori alpin da las consequenzas negativas dal traffic e scumandar da renovar las vias da transit. Ultra da quai duai il traffic vegnir spustà sin la viafier. La decisiun dal pievel accelerescha il svilup da la NVTA ed influenzescha la Cunvegna davart ils transports cun la Communitad europeica da l'onn 1999.
« L'Iniziativa da las Alps instradescha ina politica da traffic progressiva en Svizra ed en l'Europa. »
Iniziantas ed iniziants, Explicaziuns davart la votaziun, p. 15, 20 da favrer 1994
