Empustar, construir, gestir

Il tren dals ordinaturs
Il tren dals ordinaturs

Ils ordinaturs da la AlpTransit Gottard che construescha il tunnel, tschentads en in biro a Faido n'èn betg gist uschè lungs sco il tunnel da basa dal Gottard. Ma els cumprovan ch'i dat ina collavuraziun cumplexa tranter numerus acturs. La NVTA administrescha in manaschament da projects effizient. (2011, AlpTransit Gottard SA)

Il zercladur 1989 cumpara in studi voluminus davart las finamiras e davart ils models d'ina «organisaziun dal project NVTA», realisà da l'Institut per planisaziun e gestiun da construcziun da la SPF Turitg. Partind da la dumonda, co ch'ins possia dumagnar la construcziun d'in grond project d'infrastructura, etablescha il studi il «model dad empustader - construider - gestiunari» che vegn a valair en il futur e che separa tranter infrastructura e gestiun. Uschia construeschan la NVTA pia duas societads giuridicamain independentas da la BLS e da las VFF, la AlpTransit Lötschberg SA e la AlpTransit Gottard SA, e quai per incarica da la Confederaziun. Ellas surdattan la NVTA a lur societads principalas per la gestiun.

« Cun funcziuns separadas cleramain ston il parlament ed il Cussegl federal vegnir distgargiads da la liquidaziun da las fatschentas. »

Elektrowatt Ingenieurunternehmung SA, Turitg, Organisaziun dal project NVTA, finamiras, models, giudicament, p. 13-4, zercladur 1989

Render attent a questa pagina