Traffic vulnerabel

11 avust 2017
Sch’il tunnel daventa in detur
Sch’il tunnel daventa in detur

Il tunnel da Rastatt che ha destabilisà ils binaris vegn emplenì cun betun. (2017, Keystone)

Bunamain senza incaps curseschan ils trens dal nord en il sid e viceversa. Els transportan blera martganzia ed in grond dumber da persunas. Il sistem da traffic raffinà è però fragil, sco che l'incident a Rastatt (Baden-Württemberg) mussa. Pervia da lavurs da tunnel sfundran ils 12 d'avust 2017 intgins meters binaris en il corridor da la Val dal Rain - cun consequenzas fatalas er per la NVTA. Durant stgars dus mais è il traffic bloccà pervia d'in defect en in lieu che vegn traversà mintga di da radund 200 trens internaziunals e regiunals. Las vias da guntgida sur Stuttgart e tras l'Alsazia na disponan betg da capacitads per dapli che 80 trens. Persuenter s'augmenta la transtgargiada da martganzia als ports dal Rain basilais per in terz. Las interpresas da logistica e da transport han gronds deficits finanzials. La conclusiun dal debachel: I dovra dapli coordinaziun e management da ristgas, vul dir l'installaziun conceptual-logistica da trajects parallels regiunals.

« I sto vegnir coordinà bler pli savens en moda centrala, betg mo entaifer ils singuls corridors. »

Gregor Saladin FOT, NZZ, 2. Oktober 2017
34'824 signals

vegnan dirigids da las VFF cun 530 indrizs da regladi.

1,2 miu. persunas

en Svizra fan diever mintga di da la viafier; per di vegnan transportadas 210'000 tonnas martganzia.

10'264 tunnels, punts ed ovras da protecziun

pussibiliteschan il traffic da viafier, èn però er lieus da privel.

Render attent a questa pagina