Temps da viadi adina pli curts

Sur empè da tras la muntogna

L'onn 1873 ha Jules-Jacques Jacot-Guillarmod malegià la via sur il Gottard en in vestgì d'enviern. Ella reducescha massivamain il temp da viadi dal nord al sid. (1873, Museum per communicaziun)

Enturn l'onn 1800 dovran viagiaturas e viagiaturs almain 10 dis per ils 310 kilometers da Basilea fin al cunfin talian, en cas da trid'aura 20 dis e dapli. Cun l'avertura dal stradun sur il Gottard l'onn 1830 sa reducescha il temp da viadi massivamain: cun charrotschas e cun bastiments dura el – senza pausas – 36 uras da Basilea fin a Chiasso. Suenter la construcziun da la viafier dal Gottard dovran ins anc 8 uras e 15 minutas per quest traject. En il decurs dal 20avel tschientaner sa reducescha il temp da viadi successivamain a 4 uras e 20 minutas. Grazia a la NVTA dumognan ins oz – sesend patgific – la lingia en 3 uras e 40 minutas. Quai è 65 giadas pli svelt che enturn l'onn 1800.

« Per la partenza dals trens èn sulettamain decisivas las uras da las staziuns ch'èn accordadas cun l'ura da telegraf federala (temp da Berna). »

Viafier dal Gottard, Urari, 1. da zercladur 1885
7-14 dis

dura l'onn 1800 il viadi da Basilea a Chiasso

36 uras

dura l'onn 1850 il viadi cun charrotschas da posta e cun navs

3+40 uras + minutas

dura il viadi oz

65 giadas pli svelt

è il viadi oz cumpareglià cun l'onn 1800

Render attent a questa pagina