Ils tunnels da temp liber

Excursiun cun il tren
Excursiun cun il tren

La colliaziun da viafier tras las Alps vegn duvrada da bleras excursiunistas e da blers excursiunists. L'onn 1958 fan las VFF reclama cun ina famiglia en atmosfera da vacanzas en il nov vagun a diesel dal TEE. Il TEE cursescha tranter Turitg ed ils stadis dal Benelux. (1958, VFF istoric)

Las viagiaturas ed ils viagiaturs van a la lavur u dovran il tren durant lur temp liber, sulets u en gruppas. Els sa distinguan cun viagiar en l'emprima classa empè da en la segunda (fin l'onn 1956 devi er anc ina terza classa). L'onn 2007 analisescha la Confederaziun puspè ina giada il traffic transalpin. Ils resultats mussan che 77 pertschient da las viagiaturas e dals viagiaturs sin la lingia dal Gottard e che 82 pertschient da quels sin la lingia dal Lötschberg èn en viadi durant lur temp liber - ina gronda part en cumparegliaziun cun il traffic da persunas mesaun en Svizra. Sin la lingia dal Gottard èn mo 6 pertschient pendularias e pendularis e mo 4 pertschient sin viadi per far cumpras. Cun ils tunnels da basa pudess quai sa midar: La retschertga al Lötschberg da l'onn 2011 ha mussà ch'il traffic pendular è s'augmentà da 4 a 9 pertschient sco er il traffic da lavurantas e lavurants totalmain da 13 a 22 pertschient.

« Ina buna infurmaziun da las passagieras e dals passagiers è la premissa per che mintgin possia sa salvar cun success. »

Pieter Zeilstra, Brev dal UFT, 26.04.2007

Render attent a questa pagina