Superportas

31 december 2016
Controlla da las portas
Controlla da las portas

In constructur controlla las portas da fugia ch’èn vegnidas concepidas aposta per il tunnel da basa dal Gottard. (senza data, AlpTransit Gottard SA)

La NVTA è ina gronda innovaziun en la domena dal traffic. A medem temp è la NVTA stada il motor per bleras innovaziuns tecnicas pli pitschnas. Uschia èn vegnidas construidas novas portas da fugia per il nov tunnel da basa dal Gotthard ch'è vegnì avert l'onn 2016. Questas portas èn repartidas en ina distanza da mintgamai 325 meters sin l'entir traject. Ils models existents n'ademplivan betg las pretensiuns. En cas d'ina interrupziun dal current electric stoi numnadamain esser pussaivel d'avrir las portas stuschablas cun pauca forza. Questas portas d'atschal ston alura er sa sarrar automaticamain, esser resistentas a l'auta umiditad da l'aria ed a la corrusiun. Ultra da quai ston ellas tegnair pitg tant ad in brischament sco er als culps d'aria cun ina pressiun da 10 tonnas che vegnan chaschunads permanentamain dals trens en moviment.

« Signur Wetli propona ina nova furma per las rodas motoricas e numna quella roda da giavegl. »

Karl Pestalozzi, Expertisa, p.20, 1. da zercladur 1869

Render attent a questa pagina