Renunzia a la Porta Alpina

15 matg 2012
Proxima fermada: Porta Alpina
Proxima fermada: Porta Alpina

En la gallaria ost dal tunnel da basa dal Gottard vegnan fatgas l'onn 2006 las emprimas siglientadas per la staziun Porta Alpina, ch'era planisada, ma che n'è lura tuttina betg vegnida realisada. Da maniera optimistica è ornada la maschina da perfuraziun cun las bandieras da Sedrun e dal Grischun. (2006, AlpTransit Gottard SA)

L'onn 2012 concluda il Cussegl federal da desister «ad interim» da la Porta Alpina: Ella pregiuditgass las capacitads dal traffic da persunas e dal transport da rauba da transit memia ferm e periclitass uschia las finamiras da la NVTA. La Porta Alpina avess collià Sedrun e la Surselva sur in ascensur cun il tunnel da basa dal Gottard. L'idea da construir ina staziun da viafier sutterrana datescha da la mesadad dal 20. tschientaner. En vista a la dischillusiun grischuna d'ina viafier orientala da las Alps daventa ella svelt populara. En il munt è gia vegnida exchavada ina fermada en construcziun brutta.

« Il project progressiv da la Porta Alpina a Sedrun è ina schanza unica per la vallada e per l'entira regiun en il territori da l'Alpsu e dal Gottard che sto vegnir persequitada vinavant. »

Regenza dal chantun Grischun, Missiva al cussegl grond, p. 1220, 01-11-2005
800 meters

profunds èn dus tumbins a Sedrun en Surselva che tanschan fin al tunnel da basa dal Gottard.

100 secundas

avess durà il viadi cun l'ascensur da Sedrun a la staziun dal tunnel.

6 minutas

prolungassan la fermada sco er las fasas da franada e d'acceleraziun il viadi dal tren da persunas tras il tunnel da basa dal Gottard.

Render attent a questa pagina