La Viafier 2000 e la NVTA èn ils dus projects da viafier svizzers ils pli gronds dals ultims decennis. Els èn colliads stretgamain in cun l'auter. La Viafier 2000 sa basa sin «l'urari da tact» ch'è vegnì introducì l'onn 1982: La renovaziun da l'infrastructura ed il nov material rudlant reduceschan il temp da viadi tranter ils centers sin radund in'ura. Uschia scroda il lung temp da spetga cun midar tren. L'element central da la Viafier 2000 è in traject nov tranter Berna ed Olten. L'onn 1987 accepta il suveran il project Viafier 2000. Sin fundament da quai intensivescha la NVTA la concentraziun da la rait en direcziun nordsid.
« En moda pli frequenta, pli svelta, pli directa e pli cumadaivla duain las Viafiers svizras cursar. »
Direcziun generala da las VFF, Broschura «Zug um Zug ins nächste Jahrhundert», fanadur 1997
