Lantschada dal project franà

Sutora vai pli svelt
Sutora vai pli svelt

La differenza tranter il nov tunnel da basa ed il vegl tunnel da culminaziun mussa il dissegn da l'onn 1975. El è il logo da l'emprim project per in tunnel da basa dal Gottard, che fa dentant naufragi. (1975, VFF istoric)

Durant l'emprima mesadad dals onns 1970 resulta in emprim project da construcziun detaglià per in tunnel da basa dal Gottard. Il tunnel duai augmentar las capacitads dal transport da rauba. L'onn 1971 ha il Cussegl federal incumbensà las VFF, sin basa dal rapport da la cumissiun «Tunnels da viafier tras las Alps», d'elavurar in project; cun la construcziun duai vegnir cumenzà l'onn 1975. La crisa economica e la diminuziun dal traffic da rauba colliada cun quai frainan dentant il project. Bloccà vegn el er da la Svizra occidentala e da la Svizra orientala. La Svizra orientala sa referescha a l'empermischun d'ina viafier orientala da las Alps da l'onn 1878, che prevesa ina colliaziun orientala tranter nord e sid.

« La realisaziun d'in concept da transit tras las Alps è, a lunga vista, giavischabel er ord vista militara. »

Schef dal stab general colonel divisiunari Borel, Brev a l'Uffizi federal da traffic, 05.09.1973
47 kilometers

mesira il tunnel da basa dal Gottard en il project da las VFF da l'onn 1972.

12 milliuns tonnas

dapli rauba per onn duain pudair vegnir transportadas sin il nov traject.

30 pertschient

sa reducescha l'onn da crisa 1975 la quantitad da transit che vegn transportada da la BLS e da las VFF: Quai è in argument impurtant cunter la realisaziun dal project.

Render attent a questa pagina