L'emprim onn da manaschi curseschan 24'757 trens da martganzia e 18'395 trens da persunas tras il tunnel da basa dal Gottard. Il traffic da martganzia importa radund 65 pertschient dal traffic; ils dis da grond traffic circuleschan fin a 116 trens da martganzia. Latiers vegnan transportadas 11'000 persunas per di. Ils emprims mais na funcziuna il traffic da persunas betg adina optimalmain: disturbis tecnics dal material rudlant, retards e trens fullanads strapatschan la pazienza da las viagiaturas e dals viagiaturs. La construcziun n'è betg perfetga. Las VFF reageschan cun trens spezials e cun adattaziuns dals uraris per la stagiun da stad e per ils dis da bell'aura, oravant tut las dumengias saira.

« Il tunnel da basa dal Gottard - cumenzament positiv, integraziun internaziunala retardada. »

Pagina d'internet da la HUPAC, Communicaziun a las medias, 01.06.2017