Escher forever?

Il sguard vers las Alps

Mo 7 onns suenter sia mort survegn Alfred Escher in monument davant la staziun principala da Turitg, stgaffì da Richard Kissling. (Tranter 1925 e 1930, Biblioteca da la SPF)

L'onn 2019 vegn festivà il 200avel anniversari dad Alfred Escher. Senza dubi è il barun da viafier stà ina figura excepziunala, betg sco ultim per avair construì la veglia viafier dal Gottard. Da l'onn 1848 fin a sia mort, l'onn 1882, è il cusseglier guvernativ turitgais er stà cusseglier naziunal e president dal cussegl d'administraziun da l'Institut da credit che finanziava ses projects da viafier (perquai l'ha Escher fundà). L'onn 1863 surpiglia el il presidi dal Comité dal Gottard, l'onn 1871 da la Societad da la Viafier dal Gottard. Ma ils massivs surpassaments dals custs pericliteschan la construcziun e sforzan sia demissiun: l'onn 1877 da l'Institut da credit, l'onn 1878 da la viafier dal Gottard. La lingia dal Gottard reussescha cunzunt grazia a la politica da Basilea, grazia a la nova tecnica da construir tunnels e grazia al consens da l'Italia, da la Germania e da la Svizra. Escher ha vis e profità da questas constellaziuns – betg damain, però er betg dapli.

« Fin a l'avertura dal grond tunnel dal Gottard vegn indemnisà – or dal fond da construcziun – als acziunaris in tschains fix da 6% sin il chapital respectiv pajà en per onn en ratas d'in mez onn [...]. »

Prospect per aczias da la Societad da la viafier dal Gottard, 19. tschientaner

Render attent a questa pagina